WASHIRIKI WA SEMINA ZA GDSS WAPEWA ELIMU YA UMUHIMU WA KUANDIKA WOSIA.

Naibu Msajili wa Mahakama Kuu Devotha Kamazora akitoa ufafanuzi wa jambo fulani kwa washiriki wa semina za GDSS.

Wanawake wametakiwa kuwa makini katika mahusiano yao hususani wakati wa kutafuta mali na wapenzi wao ambao bado hawajawaoa kwani hii uleta mkanganyiko hapo baadaye mwanaume anapofariki.

Hayo yameelezwa mapema jana na Naibu Msajili wa Mahakama kuu ya Tanzania Bi. Devotha Kamazora alipokuwa akitoa elimu ya namna ya kuandika wosia na faida zake katika Semina za Jinsia na Maendeleo (GDSS).

Naibu msajili huyo ameeleza kuwa wanawake wengi wamekuwa wakijitoa sana kwa kuchukua mikopo na kufanya bishara ndogo ndogo ili waweze kujenga pamoja na wapenzi wao na hali hawajaoana wala kutambulisha kwa wazazi wao, hii huleta shida pale mume anapofariki au mume anapoamua kuoa mke mwingine kwani hati na nyaraka zote unakuta anazo mwanaume.

Baadhi ya washiriki wakifuatilia semina

Ameongeza kuwa wengine unakuta anajua kuwa ni mume wa mtu nae kwa mapenzi anakubali kuwa nyumba ndogo na baadae akiachwa anajikuta hana kielelezo chochote kama risiti za kununulia vifaa hata fundi hamjui hivyo inakuwa ngumu mahakamani kumpa haki na mwisho kusababisha kupoteza haki yake ya msingi.                        

Ameendelea kusema kuwa kuandika wosia si kama wengi wanavyodhani kuwa ni uchuro kwani wosia ni muhimu ili kuepusha migongano ndani ya familia hasa mzazi mmoja napofariki hasa baba.

Aidha ameongeza kuwa cha msingi ni kwamba mtunza wosia aweni mtu mwaminifu ili baadae sije kuleta shida baada ya muhusika kutokuwepo huku akisisitiza mahara sahihi pa kuhifadhi wosia huo ni mahakamani, kanisani hata kwa watu unaoweza kuwaamini kuwa hataleta shida baadae.

Baadhi ya wakazi wa Dar es salaam wakifuatilia semina ya                                     umuhimu wa kuandika wosia.

Naibu msajili huyo ameendelea kusema kuwa mzazi anaweza kutoa mali yake yote kwa taasisi kama msikiti au kanisa hata kwa watoto yatima lakini ahakikishe kuwa watoto wake amewapatia urithi wao na kama hataki kufanya hivyo ni lazima atoe sababu za kutofanya hivyo, na sababu moja wapo kubwa ni kwamba mtoto wako akitembea na mama yake au wakike na baba yake unaruhusiwa kumtoa kwenye urithi na mahakama inakubali hoja hiyo.

Ameendelea kusisitiza kuwa mahakama inatambua sheria ya kiislamu hivyo ukiandika wosia wako kuwa mgawanyo ufanyike kwa sheria ya dini ya kiislamu basi mahakama itafanya hivyo kwa kugawa kulingana na dini hiyo, lakini pia sheria aimpi mamlaka mrithi wa kiume kuuza mali iliyoachwa na wazazi wake.

Na mwisho amewasisitiza wanaume kote nchini kuwa na utaratibu wa kuandika wosia kwani inasaidia kupunguza migongano ndani ya familia, na ameendelea kusisitiza kuwa wosia unaweza kubadilika kutokana na matakwa yako mwenyewe kwa kubadilisha mashahidi au kugawa upya mali lakini unachotakiwa ni kufuta usia uliyopita kwa kukanusha katika huu mpya.

                                                      Semina ikiendelea.